میرا دلربا ہے محمد کا روضہ
علامہ رفیق احمد حفظہ اللہ کا نعت رسول
مرا دلربا ہے محمد کا روضہ
مرا جاں فزا ہے محمد کا روضہ
مدینہ کی گلیاں ہے دنیا کی جنت
عجیب خوشنما ہے محمد کا روضہ
اسی پر فدا ہے ہمارے دل و جاں
مرا رہنما ہے محمد کا روضہ
دوا کیوں نہ مل جاے واں مرض دل کی
کہ دار الشفا ہے محمد کا روضہ
نرالی ہے آرامگاہ شھنشاہ
تجلی کی جا ہے محمد کا روضہ
ادب گہ ہے دنیا میں وہ سب عالی
کہ راہ خدا ہے محمد کا روضہ
نہ ہو جسکو جینے کی امید باقی
بس انکی دوا ہے محمد کا روضہ
ہے اسکی تجلی سے عالم منور
کہ بدر الدجی ہے محمد کا روضہ
نظر کو پھرانا ہے جالی سے مشکل
در مصطفی ہے محمد کا روضہ
ہے سارا عرب اور عجم اس پہ شیدا
خدا جانے کیا ہے محمد کا روضہ
کہ پاکیزہ جنت سے مٹی اسی کی
کہ جلوہ نما ہے محمد کا روضہ
خدا یا مدینہ کا منظر دکھا دے
کہ رحمت کشا ہے محمد کا روضہ
ہمیشہ جو برساتی رحمت کی بارش
وہ کالی گھٹا ہے محمد کا روضہ
میں یٽرب کے کوچے میں پھرنا رہوں گا
کہ دار اللقاء ہے محمد کا روضہ
رفیق اب دعا کر تو سوز جگر سے
اگر دیکھنا محمد کا روضہ
مرا دلربا ہے محمد کا روضہ
مرا جاں فزا ہے محمد کا روضہ
عجیب خوشنما ہے محمد کا روضہ
Thank you for reading the post.